Já mín birtingarmynd á stressi er að ég fer að gera alls kyns hluti sem skipta ekki máli fyrir það sem stressar mig.
Til að mynda bíður ferðataskan tilbúin niðri - það á bara eftir að pakka í hana.
Þá fór ég að lesa blöðin, nokkur tímarit átti ég ólesin og svo þurfti að sópa grasið úr tröppunum upp í stofu. Alltaf þarf að borða með reglulegu millibili og máltíðir renna í eitt á svona dögum - bara dustað af diskunum á milli.
Nú tek ég mig taki og byrja að pakka.
Ójá! Fyrir þá sem ekki vissu þá erum við Sölvi að fara í heimsókn til Olgu og Alexöndru í Malmö. Við tökum kaffivélina á morgun og komum heim með kaffivélinni þann 11. júlí!
Mér finnst ennþá spennandi að fara í fríhafnir og tívolí! JúhÚ!!!!!
10 hafa lagt or belg