Rakel bloggar

 

Rigning - hvað er nú það?

Það hlaut náttúrulega að fara að rigna! Við erum nefnilega með mann á okkar snærum sem er að gera við húsið okkar að utan. Verkefnið dróst fram til haustsins og núna krossum við fingur fyrir hvern áfanga í verkinu. Nú þegar höfum við þó frestað stærsta hlutanum til vorsins, en svalirnar líta mun betur út núna en í sumar. Svo ætlum við að skipta um tréverkið sem var orðið undið og fúið. Þetta þarf að klárast fyrir frost..

Þrándur tæmdi gáminn góða í gærkvöldi.....hann hefur nú hýst draslið úr bílskúrnum í nær mánuð.

Svo ef þið eruð búin að lesa Draumalandið og allt það nýjasta, þá býð ég upp á Frank og Jóa (eiga vin sem heitir Siddi og er feitlaginn mathákur), Nancý (sem burstaði alltaf hárið þangað til það glansaði), léttar ástarsögur ( þar sem fallegu mennirnir eru allir með arnarnef ...eitt af því sem við Edith skildum aldrei)....og svo allt þar á milli. Þrándur á líka sitthvað úr sínu safni, íþróttabækur þar sem Ásgeir Sigurvins og félagar leika aðalhlutverk...sem leikmenn og fleira og fleira.

Gaman að þessu..!! Laughing


Leggja or belg
Enginn hefur lagt or belg!