Rakel bloggar

 

Karl eða kona - skiptir það máli?

Fyrirsögnin er heitið á lokaritgerðinni sem við Guðrún vinkona mín skrifuðum á sínum tíma í KHÍ. Niðurstöður lítillar athugunar okkar leiddi í stuttu máli í ljós að kynið skipti ekki máli fyrir nemendur - persóna hvers og eins væri málið.

Eftir fyrri þemadaginn okkar í Öskjuhlíðinni fórum við stöllurnar sem kennum 4. bekk að efast um að þetta væri með öllu rétt. Við dömurnar fórum vandlega yfir allar umgengisreglur við náttúruna áður en við fórum í vettvangsferð í grenndarskóginn okkar, þar sem við ætluðum að skoða og fræðast um tré.

Meira að segja vorum við með skoplegar myndir á glæru sem sýndu hvernig maður á, eða á ekki að hegða sér þegar gengið er um skóg sambærilegan þessum.

Ein okkar var svo heppin að vera með smíðakennarann okkar (karlkyns) sem aðstoðarmann í ferðinni. Hann er fróður um tré og sérlega fróður um skóginn okkar.

Í ljósi varnaðarorðanna fyrir ferðalagið var svo hlaupið upp til að stöðva þá sem greinilega höfðu ekki hlustað eða tekið nógu vel eftir og voru komnir hálfa leið með að klifra upp í efstu trjátoppana í hita leiksins í Öskjuhlíðinni!

Smíðakennarinn (karlkyns) stóð hins vegar fyrir neðan tréð og sagði "flott hjá þér, kemstu ekki hærra"!!

Karl eða kona - skiptir það máli?


Leggja or belg
1 hefur lagt or belg
06.09.2006 09:47:43
Hvað er ein trjágrein eða toppur á milli vina? Það hlýtur að standa einhvers staðar í námsská að hver nemandi eigi að fá að njóta hæfileika sinna og skólinn eigi að vinna að því að rækta þá. Heitir það ekki "einstaklingsmiðað nám" nú til dags? Smíðakennarinn er greinilega á réttri leið. Svo halda trén bara áfram að vaxa þegar þið eruð farin heim.
Kveðja,
Nína
etta lagi JH belginn