Bara rétt að láta vita að maður er á lífi! Meira að segja í vetrarfríi og algjörri afslöppun! Sverrir, Igga og strákarnir gistu hjá okkur í nótt - samt svaf ég til hálf ellefu og lét gestina sjá um sig sjálfa. Það var kuldalegt úti og þegar byrjaði að snjóa eftir hádegið, varð ég staðráðin í að þetta væri bara innidagur og ekkert vit í að fara í leikfimi eða eitthvert annað á stjá!

Seinnipartinn var komið sólskin og fínasta veður og ég enn á náttfötunum - en ekki aftur snúið!

Framundan er vetrarfrí fjölskyldunnar......þetta sameiginlega hjá okkur öllum! Ekkert planað - ætlaði að mála einn skenk - en var ekki búin að undirbúa það svo... við ætlum bara að borða góðan mat aftur og aftur.......!