Þeir sem þekkja mig vita að ég er ekki mikið fyrir að breyta til. Ég kaupi mér húsgögn...... og á þau lengi (alltaf?), ég kaupi mér föt og nota þau lengi (finnst mér), ég kaupi mér bíl og keyri hann út, ég fékk kennarastöðu þarna um árið og starfa enn á sama stað, fleiri hús ætla ég helst ekki að kaupa mér....allt of mikið umstang að flytja!

Ég er búin að sitja á mér í heila viku að blogga um nýju klippinguna. Datt einhverjum í hug að ég yrði ánægð með svo drastískar breytingar??????

Ónei - þrátt fyrir mín eigin viðvörunarorð í gegnum tíðina lét ég klippa hárið í þá sídd sem ég hef í rauninni aldrei þolað! Ég gleymi þessu bara alltaf með reglulegu millibili og hársnyrtar fá líka alltaf þá hugmynd að það muni fara mér vel að líta út eins og Eiríkur Fjalar.

Nú bíð ég bara eftir að hárið síkki aftur í viðráðanlega sídd.......!

Ég segi nú bara svona af því að ég átti engin verðbréf í Glitni!