Ég er með eindæmum ómannglögg. Þá í þeim skilningi að skilgreina til hlítar hver andlitin sem ég sé eru.
Oftast veit ég að ég hef séð viðkomandi áður - en man kannski ekki hvort ég hef sjálf talað við hann eða séð hann í fjölmiðlum. Þetta getur bæði verið óþægilegt og pínlegt! Hver vill ganga um nikkandi til stjórnmálamanna og fréttafólks eins og maður sé í þeirra innsta koppi.
En vesalings drengurinn sem var að byrja hjá okkur í 1. bekk! Í vorskólanum kannaðist ég strax við andlitið og byrjaði að staðsetja drenginn á fullu. Hverjir voru foreldrar hans og í hvaða leikskóla var hann - jú hann átti pottþétt eldri bróður í skólanum........en ekkert af þessu var rétt. Börnum finnast svona (margar) spurningar svo sem ekkert óeðlilegar!
Áðan þegar ég settist við tölvuna blasti það svo við mér.........dagatalið frá Glitni sem er búið að vera á borðinu hjá mér síðan um áramót!! Drengurinn laglegi að segja frá því hvernig heimurinn var í gamla daga!
Fyndnast af öllu er nú samt hvað heimurinn er lítill, því að á sama dagatali kannast ég við 2 önnur börn - og ég veit hvaðan!!!!!;)
Og svo er ég að spá í að breyta um klippingu á morgun! Hvað finnst ykkur um það?
5 hafa lagt or belg