Nú er hann Sölvi orðinn 9 ára!
Heil 9 ár síðan ég var að koma afleysingakennaranum mínum, henni Siggu Indriða inn í starfið áður en ég færi í fæðingarorlof. Var í vinnunni fram á síðasta dag - enda ekki von á barninu fyrr en að hálfum mánuði liðnum. Fór salíróleg að sækja Aron á leikskólann, út í Grímsbæ að kaupa fisk í matinn og svo heim. Ég hafði heyrt ótal sögur af konum sem misstu vatnið - en vissi ekki að það væri svona ótrúlega fyndið! "Ertu að pissa í þig"? spurði Aron og horfði forviða á móður sína!!
Svo kom hann - pínulítill, fíngerður og settur í hitakassa til að byrja með....en var samt alveg tilbúinn þrátt fyrir að hafa komið örlítið of snemma!
Sagan um að ég hafi misst vatnið í skólanum, gengur enn - í það minnsta að það hafi gerst á bílaplaninu! Hún er bara betri þannig!! ;)
6 hafa lagt orð í belg