Já það er allt ennþá í sumargírnum hérna í Ljósalandinu. Við erum komin heim úr árlegu sumarfríi í bústaðnum okkar í Lóni fyrir austan Hornafjörð. Mamma og pabbi heimsóttu okkur þangað um verslunarmannahelgina og að auki var tengdamamma með okkur líka. Við vorum voða dugleg að vinna í þessu fríi......elsta manni þótti nóg um! Við máluðum gluggalistana og bárum á pallinn - verkin sem verður að vinna þó maður sé þarna í fríi! Inn á milli var svo líka hægt að slappa af, fara í pottinn, gera smá handavinnu og fara í gönguferðir!
Strákarnir eru enn í knattspyrnuskólanum svo ég hef það býsna náðugt á morgnana. Kaffibollinn og Rás 1 eru órjúfanlegur hluti af þeim hluta dagsins.
Úff......strax farin að kvíða því að fara í morgunstress vetrarrútínunnar!
7 hafa lagt orð í belg