Ég hef aldrei getað munað tölur svo einhverju nemi! Síma- og húsnúmer snúast auðveldlega við í kollinum á mér - hvað þá aldur fólks og kennitölur.
Símaskrá í farsímum var því frelsun fyrir mig á sínum tíma. Heimasíma fólks set ég gjarnan þar inn líka ..........en - ég á ennþá gamla símablaðið mitt sem er plöstuð handskrifuð síða úr gamalli símaskrá.
Verð nú að fara að endurnýja það með einhverju móti. Þar á blaði er nefnilega bæði fráskilið fólk og löngu látið! Hvað finnst ykkur um það?
Kolbrún Olga frænka á afmæli í dag! Kannski var hún mér ofarlega í huga en ég er ekki frá því að ég hafi séð mynd af tvífara hennar í Mogganum í dag! :)
4 hafa lagt orð í belg