....hvort sem manni líkar betur eða verr! Hann Sverrir afi minn lést aðfaranótt miðvikudags eftir að hafa greinst með krabbamein í vetur. "Þið haldið auðvitað að séum eilíf" sagði amma við mig þegar við hittumst öll heima hjá þeim þar sem haldin var húskveðja áður en hann yfirgaf húsið í síðasta skiptið.

Afi var sérstakur maður, víðlesinn og fróður á mörgum sviðum. Mér fannst sem unglingi svolítið skrýtið að einhver keypti sér stærðfræðibækur ótilneyddur, en það gerði hann þegar hann var að aðstoða okkur barnabörnin í námi hér áður fyrr. Hann tók málin föstum tökum og manni datt ekki til hugar að grípa fram í þegar hann var að útskýra!

Svo veit ég ekki um neinn sem vann alla sína garðvinnu í skyrtu með axlabönd og bindi...:)