Já hún Amma Þura varð 85 ára gömul í dag! Við sem búum hér fyrir sunnan hittumst í Faxahvarfi hjá Atla og Sigrúnu í kvöld - og buðum afmælisbarninu að vera með!! Lilla eldaði kjötsúpu og við komum með sætindi - því ekki má maður nú fara úr æfingu svona rétt eftir jólin!
Fyrsti vinnudagurinn var líka í dag! Úff það var erfitt að vakna svona um hánótt!
Læt fylgja með nokkrar myndir síðan í kvöld.
Hér erum við amma saman.
Svo eru það Lilla, eldri dóttir ömmu og afmælisbarnið. Olga og pabbi fjarri góðu gamni!
Barnabarnabörnin á svæðinu sungu afmælissönginn fyrir hana.
Efstir frá vinstri á myndinni eru Anton Örn Atlason, Aron Elís Þrándarson og Ómar Örn Reynisson.
Í næstu röð eru svo Margrét Sif Atladóttir, Sölvi Þrándarson, Diljá Björk Atladóttir og Kolbrún Olga Reynisdóttir.
Fremstur er svo Elmar Logi Þrándarson..... sem varð reyndar ósáttur við þessa myndatöku því ég hafði gleymt að segja SÍS!!
Ófædda barnabarnabarnið var svo myndað með foreldrum sínum!! :)
Amma var bara ánægð með daginn og kvöldið þó hún hafi ekkert vilja halda upp á þetta! Hún var svo enn að taka við símtölum þegar hún fór út úr dyrunum!
3 hafa lagt orð í belg