Rakel bloggar

 

Gleðilegt ár!

Jæja þá er komið nýtt ár þó manni finnist árið 2007 rétt vera hafið. Núna eru drengirnir mínir allir orðnir það gamlir að muna vel hvernig allt var "fyrir ári síðan" - og það  er nú svolítið sérstakt að hugsa til þess!

Við fjölskyldan áttum gleðileg áramót með Rebekku, Reyni, Kolbrúnu og Ómari. Mikið borðað og mikið sprengt! Óvenju margir úr húsunum í kring voru úti um miðnættið og allir með flugelda. Þó hafði ég á tilfinningunni að okkar menn væru enna ð stilla upp þegar hinir voru búnir með allt sitt!

Um næstu áramót verður hópurinn svo orðinn einum fleiri!! Lítill angi er væntanlegur í byrjun maí hjá Þorlákshafnarfjölskyldunni og þá verða börnin orðin þrjú þar á bæ eins og hjá okkur! Spurning hvort Kolbrún verður áfram eina stúlkan.....hmhm!

Nú fer að styttast í vinnuvikuna og svei mér þá ef maður verður ekki lengi að ná sér niður eftir alla konfektmolana!


Leggja orð í belg
4 hafa lagt orð í belg
01.01.2008 23:13:24
Fyrir ári var ég með ykkur. Amma í svörtustu Afríku. "Hafi ég--- er ég búinn að gleyma því" Gleðilegt nýtt ár!!
Þetta lagði Afi á Húsavík í belginn
02.01.2008 00:03:25
Gleðilegt ár frænka, nú er bara spennandi ár í ræktinni framundan. Ætla kannski að mæta í dag, spurning hvernig gengur að undirbúa matarboðið, hvort ég get hlaupið burt frá súpupottinum.
Þetta lagði Særún í belginn
03.01.2008 10:56:23
Gleðilegt nýtt ár!! Meira að segja við náðum að senda nokkur prik í loftið. Börnin mín völdu það frekar en að skála í kampavíni ;)
Þetta lagði Olga í belginn
03.01.2008 17:26:28
Gleðilegt ár elsku frænka!! Gaman að heyra að það er von á fjölgun hjá Rebekku. Það hefur alltaf verið mikið um dýriðir hér á Rifi um áramót en nú var þvílíkt aftaka verður. Brennan lá eins og sinubruni og flugeldarnir puðruðust rétt svo yfir bílana þar sem fólkið hímdi því ekki var nokkur leið að fara út úr þeim og því ekki mikið um mannamót og söng.
Vona þó að þetta boði bara gott ár.
Þetta lagði Sigga frænka í belginn