Það þyrfti að vera svona keppni um hver fengi hundraðasta konfektmolann á heimilinu. Ég myndi örugglega vinna þá keppni þó að mitt númer í Happadrætti Háskólans sé alltaf mjög fjarri þeim sem dregin eru út mánaðarlega!
Skil eiginlega ekki þetta happadrætti - og ef marka má speki Leyndarmálsins þá gætum við nú öll lagst á eitt og varpað mínum tölum út í alheiminn svona rétt fyrir útdrátt - hugsað peningana streyma til mín og allt það - hver veit?!
Annars er nú merkilegt hvað er mikið af peningum í gangi - nú eru útsölurnar fullar og fyrir jólin voru allar búðir fullar - ja, tja!
Við ætluðum annars í bíó í dag - en þar var allt fullt líka, bara eins og á gistihúsunum í Betlehem forðum daga. Röðin í bíóinu hlykkjaðist í átt að útidyrunum og börnin grétu þegar þau voru leidd út. Þar með talinn minn minnsti maður sem kenndi mér um - ég hefði ekki keyrt nógu hratt niðureftir. Miðjumaður taldi líka að ég hefði getað sleppt sturtunni! Þar skjátlaðist honum eins og flestir vita......!
Við ætlum að gera aðra tilraun við bíóið á morgun. Kannski verð ég eins og gaurinn í auglýsingunni, spara mér aurinn fyrst ég vann ekki stóra pottinn. Hvernig spyrjið þið ykkur kannski.....jú með því að nota jólagjöfina frá fjölskyldunni í ár, sem ég læt fylgja með hér á mynd til gamans!
Já það eru ekki bara konfektmolar sem fara ofan í minn munn...................
Já þetta tæki virkar bara ágætlega!
Til gamans læt ég fylgja með myndir af eldri drengjunum. Þeir eru svoooo góðir vinir. Þarna eru þeir að bíða eftir jólunum!
Svo fóru þeir allir út með pabba sínum að búa til snjóhús á jóladag. Þeir yngri eru mikið í sísinu þessa dagana! Ekta jólaveður!
Nú er sá elsti lagstur í hitapest.....svo bræðurnir vildu ekki einu sinni sitja við hliðina á honum við matarborðið af ótta við að smitast! Sjáum nú til með það!
Sjálf er ég að lesa Himnaríki og helvíti svo það er bara hrollur í manni!
6 hafa lagt or belg