Þá er helgin að baki! Mikið kökuát get ég sagt ykkur. Tengdamamma átti afmæli gær og þar sem hún bauð engum þá útbjó hún fullt borðstofuborð af kræsingum - þannig að ekki sá að af hefði verið tekið, þegar 3 fjölskyldur og eitt ungt par stóð upp frá borðinu!!

Þrándur fór til fjalla þennan dag, þannig að hann heimsótti mömmu sína daginn eftir ..... og við öll með. Það var "taka tvö" í kökuátinu.

Anton, Margrét og Diljá komu til okkar í næturgistingu á laugardagskvöldið. Það var mikið fjör og spenningur hjá krökkunum að hittast. Til stendur að hitta svo krakkana hennar Rebekku sem fyrst og þá gista allir saman með tilheyrandi sprelli. Nú það bætist í hópinn með vorinu þar sem Rebekka ætlar að koma með eitt kríli fyrir okkur að knúsa í lok apríl!!!!

En að lokum - jólaljósin okkar eru komin í gluggana hjá okkur!!!!! Þetta höfum við nú aldrei gert í nóvember!!! Höfum þó hemil á okkur og ætlum ekki að kveikja á þeim fyrr en á laugardagskvöldið næsta. Þá verður jólahittingur hjá hluta af Hornafjarðarklúbbnum og við ætlum að búa til jólahlaðborð hérna heima.

Vinnuvikan framundan. Það er stafurinn B/b...........................;)