Rakel bloggar

 

Andleg auðn

Ég er greinilega komin með of marga bloggara inn í minn daglega rúnt! Í það minnsta næ ég ekki að skrifa eigin færslur nema bara í huganum þessa dagana! Eftir að Áslaug frænka flutti til Danmerkur er líka auðvelt að láta hendur fallast!

 Síðan síðast er búið að vera vetrarfrí sem við eyddum í bústaðnum fyrir austan. Lágum að vísu í veikindum - ælupest og læti! Ferðin snérist minna um mat og drykk - meira um veiði og afþreyingu! Veiðin var næg og ég byrjaði að vinna að leyndarmáli eins og Særún frænka! Vonandi endist mér aldur til að sýna afraksturinn einhvertíma - Aron sonur minn efast reyndar um það!

Í millitíðinni er svo Aron orðinn táningur. Loksin kominn í hettupeysu og niðurmjóar gallabuxur! Setur huliðshjálm yfir geldolluna svo Sölvi komist ekki í hana. Það tókst ekki í afmælisveislunni þegar miðjumaður kom vel greiddur út af baðherberginu. Hann er sko að safna og þarf að halda þessu frá augunum svo hann sjái!

Aron fer í messur á sunnudögum þegar ekkert annað er í gangi, þarf að mæta í vissan fjölda vegna fermingarinnar í vor. Ég hélt að við hjónin þyrftum að mæta með honum og sagði í afsökunartón að ég myndi koma með honum á aðventunni eða þegar nær drægi jólum. NEI   hrökk út úr táningnum...!

Úff, vona bara að messan fari ekki eingöngu í að hlæja og flissa að gömlum konum með skrýtnar slæður eða köllum sem taka í nefið og syngja hátt með prestinum! Það hefði ég allavega aldrei gert!


Leggja or belg
5 hafa lagt or belg
13.11.2007 09:42:15
Á Húsavík heitir fermingarundirbúningurinn "prellafræði". Ég held að hér sé líka messukvóti.
etta lagi GHF belginn
13.11.2007 11:05:36
Hey, þú verður líka að blogga svo að ég hafi eitthvað að lesa :O)

Hilsen úr gestalausa Flauelsgrasinu
etta lagi Áslaug Ýr belginn
14.11.2007 15:51:35
Má segja frá leyndarmálum?

Var viðstödd eina messu um daginn þar sem fermingarsistkyn Arons fylgdust með.....þó meira skondnum kalli með sérstakt skegg, heldur en honum Prella! En þeir sem sátu hinu megin í salnum voru uppteknir við að lýsa með leiser á hitt og þetta. Gaman að þessu....Aron var að keppa í Vestmannaeyjum þessa helgi svo hann tók auðvitað ekki þátt í neinu þarna....og hefði örugglega ekki gert heldur ;)
etta lagi Rebekka belginn
14.11.2007 17:48:38
Hvað ég er fegin að sjá lífsmark - eina sem maður getur fylgst með þessum Henríettum er í gegnum heimasíðurnar.. þið Sigurrós eruð álíka virkar og Arna bara með myndir á sinni læstu síðu. Uss og uss og uss!!
etta lagi Marta belginn
14.11.2007 22:45:03
Já það er víst ekki komin háhraðatenging í sveitirnar, þannig að það verður að bíða með að blogga úr bústaðnum.
Ég hef farið í kirkju í ár, hún Brynhildur er í sunnudagaskóla og er að reyna að mæta reglulega, ég fæ að fara með henni:-)
etta lagi Sverrir belginn