Átti góðan dag í miðborginni. Þáði heimboð samstarfskonu minnar ásamt nokkrum öðrum konum. Þó þetta hafi verið heimsborgaraboð (þá má dreypa á léttvíni um miðjan dag) fór ég á bílnum með klink í poka til að setja í stöðumælinn.
Veðrið var yndislegt, heitt og sólríkt og við sátum úti á stórum svölum og spjölluðum fram eftir degi. Fengum gott að borða og þeir sem vildu - nóg að drekka!
Ég hafði ekki sett nógu mikið í stöðumælinn fyrir allan daginn svo ég skokkaði að bílastæðinu til að bæta í. Mundi þá eftir Reykjavíkurmaraþoninu sem nálgast óðum - ææ! Fer sennilega bara sömu vegalengd og í fyrra!
Það er frábært að fara í svona heimsóknir. Og maður þarf ekkert að vera orðinn gamall til að njóta svona daga.
Maður þarf bara að vera kennari!
2 hafa lagt orð í belg