Við skelltum okkur í heimsókn til Siggu frænku minnar í hádeginu á laugardaginn. Þrándur átti afmæli og þar sem framkvæmdir við svalirnar á húsinu okkar töfðust framyfir helgi, ákváðum við að láta slag standa og bruna vestur.

Drengirnir voru búnir að vera smjög spenntir og ekki spillti nú fyrir gleðinni þegar við vorum allt í einu komin á áfangastað!! "Váaaá! Svona miklu styttri ferð en á Vestfirðina!!!"

Í tilefni afmælisins fórum við beint á kaffihúsið Gamla Rif - en frænka mín opnaði það í vor í félagi við aðra konu á Rifi.  Ég var búin að fylgjast með framkvæmdunum í huganum - en það jafnast ekkert á við að sjá með eigin augum!!! Við vorum öll gjörsamlega heilluð af þessu litla kaffihúsi þar sem hægt er að fá dýrindis súpu (sem við prófuðum.....mmmmmm!) auk kaffibrauðs og ýmissa kaffitegunda. Aðsóknin hefur líka verið góð og greinilegt að fólk kann að meta það að setjast inn á svona huggulegan stað í sveitasælunni og njóta góðra veitinga. Hvet ykkur til að koma þar við ef þið eigið leið vestur í sumar.

 Veðrið var yndislegt allan tímann....og nú verður sett trukk í það að klára að gera við handriðið á svölunum og mála yfir veggina áður en við leggjum af stað í næsta ferðalag! Þetta styttist!