Jæja þá er komið að kvennahlaupinu eitt árið enn! Það eru komin nokkur ár síðan ég tók fyrst þátt í Garðabænum og fannst einmitt furðulegt að kalla þetta "hlaup" þar sem það var gjörsamlega vonlaust að hlaupa nokkurn skapaðan hlut!!!
Fyrir nokkrum misserum komst ég ekki í hlaupið á þeim tíma sem það var í Garðabæ, en sá að í Mosfellsbænum var hlaupið fyrir hádegi. Ég skellti mér í sveitina....alein.... með öllum hinum konunum sem voru búnar að fatta þetta......og hef hlaupið þar æ síðan. Þar er nefnilega hlaupið í einhverju fallegasta umhverfi sem finnst "innanbæjar" hér nágrenninu...og maður getur hlaupið (skokkað).
Formið er nú ekki upp á það besta núna, en ef einhver vill slást í för með mér í ár og skokka í fallegu umhverfi klukkan 11 í fyrramálið þá væri það bara gaman og skemmtilegt!! Gjaldið er hægt að greiða á staðnum og sjaldnast mikil röð. Ég hef undanfarið hlaupið næststystu vegalengdina....það er til að sjá meira af fallega umhverfinu - sem menn hafa nú verið að deila svolítið um núna síðustu mánuði!!
Hver ætlar að slá til....?????
4 hafa lagt orð í belg