Við hjónin skiptum liði í gærkveldi til að láta sjá okkur á sem flestum stöðum! Þrándur fór í fimmtugsafmæli Eddu mágkonu sinnar en ég fór á árshátíð skólans.
Fyrrnefnda veislan hefur sennilega haft tvöfalt fleiri gesti en sú síðarnefnda auk þess sem þar var hljómsveit sem spilaði fyrir dansi en plötusnúður á fámenna staðnum. Plötusnúðnum tókst misvel að "lesa salinn" - lögin voru ýmist of hæg eða þung að margra mati!
Þó er eitt sem snúðarnir gerðu alltaf í "gamla" daga og er sem betur fer ekki lengur - það er að tala á milli laga, banna fólki að setjast og drífa svo alla í kokkinn í þokkabót!
Sigurrós og Arna, ólétturnar okkar í skólanum létu sig ekki vanta þó að margir aðrir hefðu verið vant við látnir......og meira að segja ætlaði Sigurrós að fara á aðra árshátíð núna í kvöld.
Barninu hefur sennilega ofboðið þetta skemmtanafár og flýtti sér því í heiminn um kaffileytið í dag! Barnið er stúlka og bíð ég spennt eftir myndum - svona eins og "ömmur" eiga að gera!!!
3 hafa lagt or belg