Ég pantaði 3 miða á leiksýninguna Karíus og Baktus, um leið og miðasalan opnaði í lok janúar minnir mig. Sölvi var nú ekki viss um að hann langaði að sjá þetta stykki, en ég ætlaði nú samt að taka hann með í leikhúsið.
Fyrir helgina lagðist svo Elmar í rúmið með hita og Sölvi í kjölfarið, þannig að útlitið var ekki gott! Elmar hristi nú það mesta af sér strax, en Sölvi var blessunarlega afsakaður í dag þegar loksins var komið að sýningunni, enda ennþá með bullandi hita.
Við hringdum því í Soffíu vinkonu okkar og jafnöldru Elmars, sem var sko meira en til í að skella sér með okkur. Þau skemmtu sér mjög vel á sýningunni - þó mér hafi fundist nóg um nútímatíliseringuna á textanum - enda heilagur í mínum huga. Mér finnst til dæmis setningar eins og "ert'að skilja mig", alveg mega missa sín í Karíus og Baktus. En það er nú bara mín skoðun
Magga vinkona varð svo fertug í gær og bauð til roknaveislu. Úff, þær eru sko búnar að leggja línurnar þessar Möggur sem ég þekki. Maður má bara fara að punkta hjá sér og safna flöskum!
1 hefur lagt orð í belg