Þetta er bara orðið eins og í gamla daga - mest að segja frá eftir helgarnar!!
Fór í búð um daginn og gerði ógurlega góð kaup á blússu sem fólk á vissum aldri myndi kalla "Hagkaupsslopp". Flíkin var á útsölu og þar sem á hana vantaði bæði belti og tölu, þá fékk ég hana á 650 krónur - sem er mun ódýrara en bíómiði.
Fyrir helgina labbaði ég svo fram hjá búð í Kringlunni sem var full af nýjum vörum - sem er ekki í frásögur færandi núna eftir útsölurnar - nema að vörurnar voru allar í sömu litunum, þ.e. svörtu og hvítu, í mismunandi mynstri. Það heillaði ekkert sérstaklega að fara inn í búðina og mér fannst þetta einhvernveginn hljóta að vera djók.
Þegar ég fór að hafa mig til fyrir matarboð á föstudagskvöldið greip ég 650 krónu skyrtuna (sem er mynstruð svört og hvít) og gerði mig ægilega huggulega fyrir konuboðið. Þegar við vorum sestar við borðið og héldum á svarthvítum mynstruðum servíettum - allar svart og hvítklæddar datt mér í hug búðin í Kringlunni..... Bara fyndið...
Á laugardagskvöldið klæddist ég svo aftur 650 krónu flíkinni (svarthvítu) og fór í fertugsafmælið hennar Möggu samstarfskonu minnar. Magga tók á móti mér agalega fín í svarthvítum mynstruðum kjól...og við létum taka af okkur mynd.
Í dag fór ég með ömmu í ættarkaffi á hótel Sögu, íklædd svarthvítu flíkinni minni, en það var enginn annar í svipaðri flík og er ættin þó nokkuð stór - og vel mætt!
Flíkin er búin að borga sig upp þó svo að ég klæðist henni aldrei aftur!!
Er maður tískufrík................
4 hafa lagt or belg