Hafði vissar áhyggjur af ófærðinni í borginni - sem reyndist svo helst vera á bílastæðinu í vinnunni!!

Merkilegt hvernig þetta er með grunnskólana, það er eins og enginn eigi von á að þeir verði opnaðir eftir snjókomu!! Nógu erfitt er nú að kenna blessuðum börnunum á dögum þar sem allt logar í snjóstríðum, þó ekki bætist nú við áhyggjur af því hvort maður fái stæði fyrir utan vinnustaðinn...eða komist út úr stæðinu eftir vinnu!!

Þegar ég mætti voru þrír jeppar í bílastæðinu fyrir utan skólann, hinir þurftu að finna sér annan stað. Ég lagði í nýrutt og fint stæði fyrir utan nálægan framhaldsskóla (þar var allt tilbúið eldsnemma....) bara 5-10 mínútna gangur eftir því á hvernig skóm maður er.

Þegar ég fór heim var ekki ennþá búið að ryðja stæðin okkar!

Svo er frumsýning hjá mínum bekk á morgun! Generalprufa með yngri áhorfendum í fyrramálið.

En hvað haldiði - það kom upp lús í árganginum!!!!! Muniði þá nokkuð hvaða leikrit við erum að fara að sýna...jú Mjallhvít og dvergarnir 9.....allir með dvergahúfur!! Húfurnar búnar að ganga á milli bekkja í árganginum undanfarnar vikur!

Húfunum var öllum skellt í frysti eins og skot....dvergarnir verða bara að þola að fá smá kul í höfuðið!!