Við reynum að kaupa inn einu sinni í viku og til að það megi gerast hefur Þrándur tekið að sér innkaupin fyrir heimilið. (Ég kaupi alltaf of lítið af öllu..)

Í dag var komið að innkaupum svo hann skellti sér í Bónus eins og venjulega til að bæta úr matarleysinu í kotinu. Þegar hann kom á staðinn vildi svo vel til að búðin var með allt á niðursettu verði vegna breytinga.......

....ekki vildi þó betur til en að margir höfðu séð þetta auglýst í blöðunum og mættu líka á staðinn. Ástandið líktist villta vestrinu þar sem yfirgefnir vagnar voru tæmdir um leið og fólk gafst upp á að vera í biðröðinni.

Mörgum kexpökkum og klukkutímum síðar var komið að Þrándi í röðinni. (Við erum að tala um að hann hringdi í mig þrisvar sinnum með löngu millibili ...... og var alltaf í röðinni.) Karfan var þokkalega hlaðin og varningurinn kostaði hátt bílviðgerð dagsins....

....en ekkert kemst framhjá vökulum augum Þrándar.....þegar strimillinn hafði skilað sér kom í ljós, að eftir allt saman hafði gleymst að gefa honum afsláttinn sem búðin var að bjóða uppá!!!!! Hann mátti því inn í búðina aftur þar sem aurarnir voru millifærðar til baka á kortið hans!!

Já .... mikið fyrir lítið í Bónus!!!

ps. Bílviðgerðin kostaði 30.000................