Ég er búin að fara á óvenju marga fundi sl. vikur. Það eru fundir í tengslum við nemendur og svo í tengslum við mín eigin börn.
Um daginn var námsefniskynning hjá Aroni þar sem ég bauð mig fram sem bekkjarfulltrúa eftir að löng þögn hafði staðið yfir.
Fór á fund með foreldrum 12 ára barna í Fossvogsskóla vegna óánægju með kennslu í list-og verkgreinum...sem er engin í árganginum.
Í gær mætti ég svo á fund með stjórn Foreldrafélagsins í skólanum. Reyndi að fela mig á bakvið blóm þegar verið var að skrá niður í nefndir en var fljót að ná mér í sneið af súkkulaðikökunni sem boðin var í tilefni 35 ára afmælis skólans!
Fyrir stuttu fór ég á fund í sambandi við lífsstílskönnun sem Sölvi er að taka þátt í og í síðustu viku var fundur á Garðaborg þar sem vetrarstarfið var kynnt.
Í næstu viku er svo foreldraviðtalsdagur á Garðaborg.
Ég er bara engin manneskja í þetta...................
2 hafa lagt or belg