Þetta er hið ljúfa líf! Eftir að búið er að koma öllum út úr húsi á morgnana (Elmar Logi spyr á hverjum morgni hvort sé ekki frí á leikskólanum - eins og geðvondur unglingur!), ........ þá fer ég í leikfimi. Seinni helmingur júnímánaðar er minn sumarleyfistími þannig að þegar leikfiminni lýkur, nýt ég þess að fara ekki heim ef mig langar ekki til þess!

Í dag fór ég í heimsókn til Sigrúnar skólasystur minnar úr Kennó. Kom við í bakaríi og keypti með kaffinu og skoðaði framkvæmdir sem þau standa í á sínu heimili. Svo kom svo við hjá Iggu og Brynhildi í bakaleiðinni. Sverrir var ekki heima.

Þegar ég var búin þar kíkti ég svo í Ikea til að kaupa ýmsan bráðnauðsynlegan óþarfa - og þá var kominn tími til að sækja litla skaphundinn á leikskólann.

Á morgun kemur svo nýr dagur og ég nýt þess að vera ekki búin að ákveða hvernig ég ætla að eyða honum!