Þar sem ég sat á hárgreiðslustofunni í gær fór það ekki fram hjá mér að eigandinn, systir hennar sem vinnur hjá henni og systurdóttir þeirra sem er með snyrtistofu á sama stað - voru allar á leið á Mærudaga á Húsavík. Mikil spenna ríkti yfir ferðinni hjá fjölskyldunum öllum!

Ég gat auðvitað ekki orða bundist og sagði þeim að ég ætti foreldra á staðnum. Þær fylltust miklum áhuga og spurðu hvar þau byggju - því bærinn skiptist í vissa liti varðandi skreytingar -  eftir hverfum. Á meðan hún nuddaði hársvörðinn á mér við vaskinn sagði ég henni að þau ættu gamalt hús nánast í skrúðgarðinum, sem héti Vilpa.

Hárgreiðsludaman hálf veinaði og hætti að nudda hársvörðinn " ertu að segja satt - við ólumst allar upp í þessu húsi"!!!!!! Hún sagðist hafa fengið létta gæsahúð því húsið hefði verið í hennar ætt lengi og hefði verið það síðast þegar hún var á Húsavík!!

Nú á ég von á því að hárgreiðsludömurnar mínar lendi bara í mat hjá mömmu og pabba um helgina - allavega væri ekki úr vegi fyrir þær að tjalda í garðinum fyrir utan Vilpuna þar sem tjaldstæðið á staðnum var að fyllast!! :)

Svona eru nú tilviljanirnar!

Fyrir þá sem bíða eftir umfjöllun um seinni hluta fyrirsagnarinnar - þá lét ég Þránd hringja í mömmu áðan til að óska henni til hamingju með daginn! Elmar var búinn að syngja afmælissönginn fyrir hana í bílnum í dag og allt...............en hún á ekki afmæli fyrr en á sunnudaginn......!

Hvað finnst ykkur um það? Beit þetta bara í mig.....:)