Meira hvað ég get stressað mig yfir sumum hlutum en öðrum ekki!! Ég er til dæmis miður mín hvað við í kórnum eigum langt í land með sum lögin sem eiga bráðum að vera tilbúin! Ég er oft voða áhyggjufull yfir því að fá ekki ókeypis stæði í miðbænum þegar ég fer í söngtímana á fimmtudögum. Eins get ég orðið massa stressuð (a la Áslaug frænka) yfir því að vera orðin of sein á morgnana!
Ég var því alveg tilbúin að segja "já" við spurningu tengdamóður minnar í dag um "hvort ég væri ekki orðin stressuð". Ha, jú - en bíddu yfir hverju annars?
Jú, hún átti auðvitað við fermingarundirbúninginn!!! Ó nei - það fer nú bara sem fer! Það er alltaf eitthvað sem verður á síðustu stundu ..... og getur ekki annað!
Kannski engin furða að hún leggi til kökur þar sem ekkert er undir 30 sentimetrum í þvermál og fátt undir þremur hæðum!!!
Þetta verður nú að vera myndarlegt!
3 hafa lagt orð í belg