Miðjumaður á nú nokkur gullkornin sem hafa fengið að fjúka með hér á síðunni minni. Hann var hinn hressasti í dag þegar ég kom heim úr vinnunni, enda á leið í áttræðisafmæli hjá tónmenntakennaranum sínum.
Nei, þetta er ekki prentvilla! Að sögn miðjumanns fékkst bara enginn kennari í haust svo Sigurður Norðdahl tók kennsluna að sér - þrátt fyrir háan aldur. Í dag var börnunum svo boðið í áttræðisafmælið, þar sem þau sungu m.a. þjóðsönginn fyrir afmælisbarnið sem og fyrir fyrrverandi og núverandi forseta, geri aðrir betur!
Fermingarundirbúningur vofir enn yfir, í dag keyptum við skóna! Þá eru fatakaup frá, klippingin eftir og svo höfum við ekki ennþá munað eftir að panta myndatökuna!
Miðjumaður hefur reyndar ekki ratað inn á nýjustu fjölskyldumyndirnar - en það hafa yngsti og elsti maður gert!
Set hér með að gamni myndir frá kertagerðinni hjá fermingardrengnum og afmælisdegi þess yngsta.
Rétt að byrja! Búinn að hafna lit móðurinnar og velja sinn!
Kominn í gírinn - og skæru litina í kertagerðinni!
Afrakstur kvöldsins í grænum tónum ........ og draumakertið í skæru litunum!
Yngsti maður 5 ára............!!!
Ánægður með búðarkeypta búninginn frá foreldrunum!
Alveg að fara í kast yfir þessari ómögulegu grímu! Merkilegt með búninga sem eru hannaðir á börn - það er alltaf eitthvað sem virkar bara á myndinni utan á umbúðunum! Þessi gríma endaði svo utan á sólgleraugum til að haldast einhvernveginn á andlitinu - og allir voru sáttir!
5 hafa lagt orð í belg