Já núna tengist önnur hver hugsun fermingarundirbúningi á einn eða annan hátt enda styttist í 16. mars.

Hversu mikið mál er hægt að gera úr svona guðlegum málum!! Það er nú stóra málið!

Á að kaupa jakkaföt - þau verða að vísu aldrei notuð aftur...? Mig langar mest að kaupa töff föt sem verða notuð eitthvað - fermingardrengurinn ætlar að kanna málið hjá hinum, því hann vill ekki "skera sig úr"! (Mamma hans gerði það nú á sínum tíma og fermdist í indíánakjól þegar allir voru í köflóttum pilsum eða reiðbuxum).

Á að kaupa veitingar.....- fermingardrengurinn valdi kökuveislu.......við bökum bara sjálf með aðstoð ættingja!

Boðskort.......í gamla daga var bara hringt í fólk! Var heppin - bjó til kort á stuttum tíma og áskotnaðist fallegur pappír - gekk eins og í sögu! Var búin að fá tilboð frá prentþjónustu sem hljóðaði upp á 12.000......! Slapp vel þar! Gengur hægar að skrifa og senda.....!

Notar maður pappírsdúka eða taudúka? Eða bara hvort tveggja..?

Leigir maður stellið eða notar hitt og þetta?

Á að splæsa í 4500 króna útskorna fermingarstyttu? Mamma, hvar er mín? (Man að við Edith hlógum alltaf að munninum á fermingarstyttunum - þær voru allar svo viti sínu fjær......)!

Já þetta eru pælingar dagsins!