Ég held að ég sé að lenda í því ein jólin enn!
Þá meina ég, að lenda í því að halda að það sé svo langt til jóla!! Allt of snemmt að skreyta, þrífa, og versla!
Svo lendi ég í tímaþröng með allt saman fyrir rest!
Samt finnst mér alltaf svo óendanlega fyndið þegar fólk talar um að vera "búið að öllu"!!! Það er svo misjafnt hvað fólki finnst nauðsynlegt að gera fyrir jól. Ég veit til dæmis um eina sem getur ekki borðað jólamatinn nema taukarfan í þvottahúsinu sé galtóm.
Hjá mér er það kannski þannig að mig langar til að hafa þetta þannig - en svo troðfyllist þvottahúsið af því sem á sér engan stað og enginn tími til að ganga frá því fyrir heilagan tíma. Á síðustu stundu eru skítug föt tínd eins og ber út um allt hús og skellt í taukörfuna.
Mín karfa er því oftast full um jólin!!
Það er bara allt í lagi - væri verra ef það værum við hjónin ;)
3 hafa lagt or belg