Við fórum með 4. bekkina í skautaferð í dag. ÍTR gaf krökkunum frímiða í sumargjöf og við ákváðum að fara saman.
Auðvitað völdum við svellið sem er lengra í burtu frá skólanum og strætóinn sem fer lengri leiðina á þann stað - svona til að hafa þetta ekki of létt!
Ferðin gekk eins og í sögu og allir stóðu sig með sóma! (Og við kennararnir stóðum meira segja í lappirnar allan tímann!)
Saga í lokin:
Drengirnir mínir hafa á vissum aldri allir heillast af ljónum, tígrisdýrum, blettatígrum og öðrum villidýrum. Fræg er orðin sagan af Sölva þegar hann urraði alltaf á ókunnuga og meinaði fólki inngang í 3 ára afmælið sitt með stóru urri!
Elmar var að uppgötva þetta núna fyrst og við erum að fara í gegnum þriðja umgang af Lion King. Hann "er" öll dýrin og talar um "sig" í myndunum, t.d. "nú dey ég" o.s frv.
En okkur fannst það baaara krúttilegt þegar hann var á klósettinu og bað okkur að passa að skeina ekki á sér rófuna......!!!
5 hafa lagt orð í belg