Þá er vinnuvikan framundan og fyrr en varir verða komin jól. Sá á bloggsíðu Friðgeirs og Ingu að þau eru farin að telja niður!
Ég var hins vegar í mjög skemmtilegum félagsskap um helgina. Við hittumst vinkonurnar að vestan, ég , Edith, Sigga, Guðrún, Nanna og Ásta. Við erum búnar að tala um þetta nokkuð lengi og dagsetningin var ákveðin fyrir löngu síðan. Guðrún og Jón létu Íslandsferð ársins bera upp á þessa helgi og Jón gisti með krakkana hjá Friðþjófi á meðan við stelpurnar fórum í gegnum skipulagða dagskrá og móttöku á Gamla Rifi.
Sigga var búin að setja niður hugmynd að skemmtilegum degi og huggulegu kvöldi fyrir okkur - sem allt gekk eftir! Við fórum í sauna um borð í fiskibát, fórum í verslunarferð í búðina Blómsturvelli á Hellissandi, borðuðum góðu súpuna á kaffihúsinu og fengum leynigest í heimsókn - sem reyndist vera ljósmyndari sem tók hópmyndir af okkur vinkonunum! Það verður gaman að hvað kom út úr því!
Myndaalbúm, sendibréf og dagbækur vöktu mikla lukku hjá okkur og margt rifjaðist upp síðan fyrir 25 árum eða svo!!! Karókísöngur, skemmtiatriði og samkvæmisleikur voru líka á dagskránni.
Ég var blekkt til þátttöku í leiknum - sem stelpurnar höfðu undirbúið þannig að við Guðrún og Ásta áttum að leika dýr sem sem hinir áttu að giska á hver væru. Hinar voru fljótar að finna út hvað stelpurnar léku en gekk ver með mig. Svo giskuðu þær og giskuðu og grunlausa ég lék og lék....og fattaði ekki fyrr en löngu eftir leikinn að ég hafði verið höfð að spotti.
Svo veittu þær verðlaun þeim sem verst gekk að leika. Verðlaunin reyndust svo vera afmælisgjöfin mín frá þeim - en Edith var sú eina sem komst þegar ég hélt upp á afmælið mitt í haust! Þær höfðu sem sagt plottað allt saman og ég sem er nú vön að sjá allt svona plott fljótt og örugglega kom alveg af fjöllum!
Við sváfum svo allar í einni flatsæng í kaffihúsinu ......en sváfum reyndar ekkert út því Nanna þurfti að taka Baldur klukkan 11 og Sigga skutlaði henni í Stykkishólm.
Virkilega skemmtilegt!!!
10 hafa lagt or belg