Einhvers staðar verður maður að byrja eftir svona langa andlega ritstíflu! Skýringin á bloggleysinu felst að miklu leyti í ævistarfinu, sem núna snýst um kennslu 6 ára barna. Oft er sagt að kennarastarfið sé svo gefandi - já mér finnst það meira segja alveg uppgefandi!

Vetrarrútínan á heimilinu er óðum að taka á sig mynd, hef þó ekki enn komið reglubundinni hreyfingu fyrir mig inn í planið. Mesta hreyfingin þessa dagana er ef maður fær stæði langt frá skólanum!!

 Sölvi er enn á biðlista í heilsdagsviðverunni og er því á heimleið um tvöleytið - enn of ungur til að vera einn heima. Var sendur með lykla einn daginn en stóð grátandi á tröppunum dágóða stund, því hann fann ekki vasann sem lyklarnir voru í!! Vonandi rætist úr þessum gæslumálum sem fyrst!

Aron er ánægður í Réttó! Búinn að fara í fermingarfræðslu og syngja Djúp og breið með Pálma presti. Gelar hárið a.m.k. einu sinni á dag og þarf að fara að eignast hettupeysu sem er ekki keypt í Hagkaup.

Elmar er sjálfum sér líkur.........!

Svo má nú alveg fara að hætta að rigna......!

 Vonandi kemst ég núna í gírinn!