Rakel bloggar

 

Skari og Múfasa

Eins og ég hef áður nefnt hér á síðunni erum við á heimilinu að ganga í gegnum Lion King tímabilið þriðja.

Spóluhulstrið er orðið lúið og mikið skoðað og við farin að spóla yfir auglýsinguna um að Pocahontas sé væntanleg á spólu. Raunar eru fáir sem ennþá horfa á spólur, því diskarnir hafa fyrir löngu tekið völdin.

Það er því alltaf svolítið skemmtileg tilbreyting fyrir okkur þegar einhver nýyrði verða til útfrá þessu síendurtekna áhorfi.

Í dag var minnsti maður að leika sér í dýraleik að nýafstöðnu áhorfi: (Fyrir þá sem ekki hafa séð myndina þá var Skari afbrýðisami bróðirinn sem drap góða bróðurinn - þetta er líka þekkt þema úr Biblíunni)

Ég er Múfasa - konungur ljónanna. Skari þú ert forðingi.............!


Leggja orð í belg
8 hafa lagt orð í belg
05.05.2007 20:14:05
Já það koma alltaf góð gullkorn út úr þessu.
Merkilegt að það skuli enn vera hægt að horfa á þessa spólu, man ekki betur en suma dagana hafi eldri bræður hans horft á hana 2x fyrir hádegi og 2x eftir hádegi!
Þetta lagði Sverrir í belginn
05.05.2007 21:51:22
Freyttur forðingi í frelsarans nafni. Gaman að frétta af mörkum Sölva. Nú bíðum við bara eftir mörkum frá þeim freytta!
Þetta lagði Afi á Húsavík í belginn
05.05.2007 22:39:57
Elsti strákurinn (5 ára) sem ég passaði meðan ég var au-pair í Frakklandi fór einmitt í gegnum Lion King tímabil. Hann sat stundum í aftursætinu á bílnum þegar við vorum að fara eitthvað og lék heilu samtölin úr myndum 1 og 2 (eftir því hvor var myndin var "aðal" í það skiptið). Ég reyndi mitt besta til að fá hann til að horfa á eitthvað annað, svona þar sem ég var að verða geðbiluð og vantaði tilbreytingu, en það þýddi lítið - Lion King skyldi það vera! ;)
Þetta lagði Sigurrós í belginn
07.05.2007 18:36:05
...forðum okkur bara, Skari er líka ógurlegur!

Hlakka bara til Júróvisjónpartýsins...og allir mínir! Treysti því að forðinginn og hans föruneyti verði búinn að forða sér þá!
Þetta lagði rebekka í belginn
08.05.2007 22:27:17
Ertu gengin í Frjálslinda flokkinn???
Þetta lagði Sverrir í belginn
08.05.2007 23:15:20
Ég er illa svikin ef ekki kemur nú athugasemd frá afa á Húsavík.
Takk fyrir síðast, Rakel.
Þetta lagði Nína í belginn
09.05.2007 20:29:17
Skil ekki alveg "commentið" hjá þér Sverrir - þó ég skilji þá sem á eftir kemur :) (Nema um sé að ræða útrás frjálsra linda!)
Þetta lagði Rakel Guðmundsdóttir í belginn
09.05.2007 23:00:14
Hættur
Þetta lagði Afi á Húsavík í belginn