Eins og ég hef áður nefnt hér á síðunni erum við á heimilinu að ganga í gegnum Lion King tímabilið þriðja.
Spóluhulstrið er orðið lúið og mikið skoðað og við farin að spóla yfir auglýsinguna um að Pocahontas sé væntanleg á spólu. Raunar eru fáir sem ennþá horfa á spólur, því diskarnir hafa fyrir löngu tekið völdin.
Það er því alltaf svolítið skemmtileg tilbreyting fyrir okkur þegar einhver nýyrði verða til útfrá þessu síendurtekna áhorfi.
Í dag var minnsti maður að leika sér í dýraleik að nýafstöðnu áhorfi: (Fyrir þá sem ekki hafa séð myndina þá var Skari afbrýðisami bróðirinn sem drap góða bróðurinn - þetta er líka þekkt þema úr Biblíunni)
Ég er Múfasa - konungur ljónanna. Skari þú ert forðingi.............!
8 hafa lagt orð í belg