Rakel bloggar

 

Fögur fyrirheit og fleira

Nú er maður farinn að heyra fuglasönginn úti fram á kvöld. Hitatölurnar eru farnar að vera tveggja stafa. Stöku nágranni er farinn að labba framhjá með garðhanska á höndunum. Þá er íslenska sumarið í nánd.

Ég ætlaði að vinna í garðinum í dag.....Cool

Ég ætlaði í göngutúr í dag...... Laughing

Elmari var hins vegar boðið í afmæli sem haldið var í Ævintýralandi Smáralindar. Hann hefur einu sinni áður verið boðið í afmæli til félaga af leikskólanum en í þetta skiptið fraus hann algjörlega við tilhugsunina eina að verða skilinn eftir innan um alla þessa krakka. Hann gat ekki skilið að afmælisbarnið ætti ekki heima þarna og var alltaf að spyrja hvar rúmið hans væri.

Eftir klukkutíma veru okkar beggja í Ævintýralandinu var komið að hressingunni og ég notaði tækifærið - kvaddi og skrapp í Ikea svo drengurinn gæti aðlagast umhverfinu án mín!

Ætlaði svo aldrei að ná honum þaðan út þegar ég kom til baka. Hann var sannarlega orðinn einn af hópnum!

 Þetta er annars furðulegur staður......minnug orða frænku minnar sem vann einu sinni í svona "landi"................."þetta er svona staður þar sem foreldrar koma með börnin sín og þau gjörsamlega tapa sér í klukkutíma"! Þetta hefur greinilega ekkert breyst. Krakkarnir æddu veggja á milli, hentu öllu lauslegu til sem á vegi þeirra varð. Hoppuðu og veltust! Sem sagt, rosa gaman!!

Hver veit nema ég geti farið að nýta mér þetta þegar mig langar í búðir!! Laughing


Leggja or belg
5 hafa lagt or belg
22.04.2007 22:26:34
Hann - honum
etta lagi GHF belginn
23.04.2007 08:29:55
Svona eru þessir kennarar - reka augun í allt! Ætli maður kannist ekki við það.
etta lagi Nína belginn
23.04.2007 20:28:10
Það er nú svo sem í lagi að benda manni á hvað þarf að laga ef ekki fylgir á eftir " hva ertu ekki kennari???"
k
etta lagi Kristín Ármanns belginn
23.04.2007 21:17:26
Ah......er einmitt kennari og lendi því í því að færslurnar þurrkast út því ég er svo lengi að ritskoða!!! Þarna átti reyndar að standa "boðinn" svo fannst mér það svo asnalega orðað.....svo OKEY!!!!!
etta lagi Rakel Guðmundsdóttir belginn
24.04.2007 18:51:04
Já svona ævintýralönd eru merkileg, þetta er eins og tarsanleikur í íþóttum í denn. Krakkarnir eru á fullu allan tíman og skynja það að þetta er bara ákveðinn tími og það sé nauðsynlegt að fullnýta hann.
etta lagi Sverrir belginn