Nú þegar er Mentosleiknum er lokið get ég byrjað að blogga á ný! Fyrir þá sem ekki prufuðu leikinn (ég veit um fólk sem prófaði og það lá við hjónaskilnaði) þá fólst hann í því að sprengja mislitar kúlur á skjánum og fá stig fyrir. Hann er leyfður öllum aldurshópum og í sjálfu sér sárasaklaus.....nema að það gat verið erfitt að hætta!
Af okkur er annars allt gott að frétta.....í vetrarhörkunni er gott að láta sig dreyma um sumarið og það geri ég þessa dagana. Langar óhemju mikið að fara og heimsækja Olgu og Guðrúnu frænkur mínar í sumar, en þær búa í Danmörku og Svíþjóð. Verð að fara að ákveða eitthvað á næstunni því meiningin er að bjóða Sölva miðjumanni með.....en hann er orðinn örvæntingarfullur um að komast aldrei til útlanda!!!
Vinnuvikan meira en hálfnuð......held bara að ekkert sé ákveðið hjá okkur um helgina - aldrei slíku vant!! Það er nú ágætt!
4 hafa lagt or belg